Abstract

Ngayong gabi
pula ang buwan sa aking paningin

Singpula ng dugong dumadaloy sa aking ugat
na marahil ay siyang dahilan ng aking tapang

na sintapang ng mga leon sa kagubatan
na pinaghaharian ng buong puso’t katapatan

na singtapat ng kulay puti sa kalinisan
na singlinis ng bawat tao na may magagandang puso

na singganda ng mga bulaklak sa hardin
at sintibay ng taong patuloy na lumalaban
upang mabuhay ng Malaya

na singlaya ng mga ibong
lumilipad sa malalawak na bukirin

na sing lawak ng aking pangarap
na kay hirap abutin sa itaas

na singtaas ng mga bituin sa langit na madilim
na singdilim ng kapaligiran ngayong gabi
sa mundong ito

na singbilog ng buwan sa aking paningin